O TITANIC

 Titanic

MS Titanic

O RMS Titanic foi un transatlántico construído en Irlanda que se afundiu na súa viaxe inaugural a través do Océano Atlántico Norte ao colisionar cun iceberg na noite do 14 ao15 de abril de 1912 na viaxe a Nova York. Morreron máis de 1500 persoas e recolléronse soamente uns 300 corpos do mar. Considérase popularmente a maior traxedia naval dun só buque da historia.

O Titanic era o segundo dun trío de transatlánticos, a clase Olympic, que pretendía dominar o negocio das viaxes transoceánicas a principios do século XX.

Para o seu tempo, o Titanic non tiña un rival igual en luxo e elegancia.

O barco era comandado polo veterano capitán Edward John Smith, o máis experimentado e prestixioso da White Star Line, quen previamente á viaxe expresou que este ía ser o seu derradeiro mando antes de se xubilar, porque desexaba estar máis tempo coa súa esposa e a súa filla.

Entre a primeira, segunda e terceira clase, había en total 2.224 pasaxeiros, quen gozaron dun fermoso palacio flotante, con luxosos comedores, piscina interior, bibliotecas, ximnasio, iluminación acotío e baños turcos.

O desastre

O Titanic tivo unha viaxe pracenteira. Os días transcorreron sen novidade, pero o 13 de abril empezaron a chegar os primeiros informes de avistamento de bloques de xeo na ruta.

23:45, o impacto

 

Posible iceberg que impactou co Titanic. Foi fotografado 5 días após o afundimento polo mariñeiro Stephan Rehorek, quen o fotografou pola liña vermella na base.

Pouco antes da medianoite (23.40) do 14 de abril, cunha noite estrelada e un mar excepcionalmente tranquilo, os vixías deron alarma de iceberg á fronte, a 600 m da proa. O primeiro oficial Murdoch, de garda nese momento tras a retirada do Capitán Smith ao seu camarote, intentou evitar a colisión, primeiro virando o temón (moi pequeno para a lonxitude do navío) todo a babor, seguidamente dando marcha atrás, o cal foi fatal pois o temón perdeu presión de virada. O barco no último minuto logrou evitar o choque frontal (co que seguramente non se tería afundido e sería quen de seguir navegando ata o seu destino sen problemas). Finalmente o buque rozou o iceberg abríndose as placas de estribor con 6 fendas diferentes que en total sumaban 5 compartimentos con auga. O Titanic ficou sentenciado.

00:00, a mala noticia

Edward John Smith, quen estaba no seu camarote saíu cando xa o carambelo estaba afastado e informouse do ocorrido. Fixo deter decontado o barco e asemade fixo repasar por un carpinteiro todo o barco.

 Ao principio o dano non pareceu fatal, no entanto o afundimento do Titanic sería como moi tarde entre dous a catro horas.

Só embarcaron 711 persoas dun total de 1.100 prazas dispoñibles nos botes, dándoselle preferencia á primeira e segunda clase, mulleres e nenos principalmente. O 50% da terceira clase pereceu. O Titanic chocara a unhas 600 millas da illa de Terranova.

 0:10, SOS

Jack Phillips, primeiro oficial de radio, recibe a orde de enviar telegramas pedindo auxilio.

Amais, noutras chamadas utilizará as siglas SOS, sendo un dos primeiros (non o primeiro) en usar esta mensaxe.

Ás 0:30 a proa estaba xa mergullada, á 1:45 acadaba a cuberta de botes, desatouse o pánico entre os que quedaban e houbo disparos e confusión.